अशी नणंद हवी (भाग-१)

"तुला तिचाच पुळका येणार ना, माझ्या मुलावर जशी जादू केली होती तशीच जादू केली तुझ्यावर पण तिने. आधी माझ्या मुलाला तर तोडलं. नुसतंच तोडलं नाही तर हे जगच सोडलं त्याने हिच्या पायात. हळदीच्या अंगाचं माझं पोरं.." करूणा पुन्हा ज्योतीला दूषणे देत म्हणतं होती तोच दिपिका तिला अडवत म्हणाली,"बास करं, आई? फक्त दादाचं अंग हळदीचं नव्हतं गं, तिचंपण अंग हळदीचं होतंच की? का प्रत्येक वेळी तिलाच दोष देतेस तू? त्यात तिचा काय दोष?" आता दिपिकाला तिचा खूप राग आला होता. रागात धुसफुसत ती तिला म्हणाली.