अर्धांगिनी भाग १७

फरक हाच पडला होता कि चंदू आणि मालती दोघांचे नाते अजून घट्ट झाले होते . चंदू ला प्रेमाच्या पलीकडे जाऊन प्रेम झाले होते मालती वर . आणि ते त्याच्या डोळ्यात दिसायचे .  जे प्रेम ते साता  जन्माचे  असते ना  ते त्याला आता मालती वर झाले होते .

आता त्याच्या लग्नाला फक्त तीन साडे तीन वर्षच झाली होती . आनंदात तर माणूस आनंदी असतोच पण दुःखात साथ देणे हे महत्वाचे . समोरच्याचे दुःख त्याने न सांगता कळले पाहिजे इतके  अंर्तमनात  पोहचता आले पाहिजे .

राधेने गरम दूध प्यायल्यामुळे  तिला तर भाजलेच होते पण श्री कृष्णाला पण त्याचे चट्टे उठले होते . असे त्यांचे पवित्र प्रेम होते . तसेच हे दोघे एकमेकांच्या पवित्र प्रेमात होते . अश्या  प्रेमात फक्त द्यायचे असते मला काय मिळणार आहे हा प्रश्नच उरत नाही .