अपवित्र नातं ( भाग दुसरा )

" माझे बाय, आज पासून तू बाई झालीस ग " असं म्हणत तिला, आता या पुढे कसं वागायचं, काय करायचं, काय करायचं नाही, स्वतःची काळजी कशी घ्यायची अशा बऱ्याच गोष्टी समजावून सांगितल्या. या गोष्टी ऐकल्यावर तिला खूप भीती वाटली. तिला खूप रडावसं वाटलं. आई असती तर आईच्या कुशीत शिरून ती पोटभर रडली असती. का रडली असती त्याचं कारण तिलाही सांगता येतं नव्हतं. आज काकूने आईची जागा भरून काढली होती. तिला काहीच काम करू दिलं नाही. उलट खायला काहीतरी गोड केलं. काकू बद्दल तिच्या मनात खूप प्रेम दाटून आल. थोड्यावेळाने ती घरी आली. खूप थकल्यासारख वाटतं होतं . ती तशीच पडून राहीली. शरीरात मनात काय काय वादळं सुरू होती. ती नुसतीच बघत राहीली.