आली नवी पहाट

नवे वर्ष नवी आशा
सरली जुनी वहिवाट.
जुन्या रात्रीच्या काठाशी
आली नवी पहाट.

नवे पर्व नवी आभा
सरली जुनी काजळसांज.
जुन्या वातीच्या दर्पाशी
थांबली नवी प्रकाशवाट.
आली नवी पहाट

नवे हर्ष नवी काया
सरली जुनी भयवाट.
जुन्या निद्रेच्या स्वप्नाशी
उगवली नवी चांदणवाट.
आली नवी पहाट

नवे सर्व नवी माया
सरली जुनी पळवाट.
जुन्या कल्पनेच्या तळाशी
बहरली नवी फुलवाट.
आली नवी पहाट

©® पूनम तावडे लोखंडे