१.बापमाणूस
मंदिराच्या बाहेर शंकराच्या पिंडीवर दुधाचा अभिषेक करण्यासाठी रांगेत उभ्या असलेल्या त्या सोनाराने जेव्हा भुकेसाठी व्याकुळ असलेल्या त्या मुलाला आपल्याकडचं आणलेलं दूध प्यायला दिल तेव्हा त्या मुलाला त्या सोनारामध्ये बापमाणूस दिसला .
------------------------------------------------------------------------------------------------------------------------------------
२.आधार
बापाशी भांडून सुशील ने वेगळा संसार थाटला .पण कोरोनामुळे सुशील ची बायको दवाखान्यात भरती होती आणि तिच्या उपचारासाठी जेव्हा सुशील कडे पैसे नव्हते तेव्हा सुशीलच्या वडिलांनी आपल्या उत्तार्धासाठी जमा केलेली रक्कम एका झटक्यात काढून दिली ...तेव्हा सुशील ला खऱ्या अर्थाने बापाचा अर्थ आणि आधार काय असतो ते कळले ...
-----------------------------------------------------------------------------------------------------------------------------------------
३.हळवा /संवेदशील
एका बापाचा दरारा मुलीवर खूप असतो .बाहेर जाण्या येण्यावर रोकटोक ,नियमाचे पालन ,शिस्त आणि राग हे सगळं पाहून मनस्वी ला प्रश्न पडे किआपल्या बापाला काही भावना ,संवेदना आहेत कि नाही,पण जेव्हा तोच बाप लग्नात आपल्याला वाटी लावताना,आपल्या काळजाचा तुकडा दुसऱ्यांच्या हातात सोपवताना हुंदके देऊन रडला तेव्हा त्याच्या संवेदनशील मनाची प्रचिती तिला आली .आयुष्यभर कोणासमोरही न झुकणारा, हाथ न जोडणारा बाप ,मुलीच्या सुखासाठी जेव्हा व्याह्यासमोर हात जोडून उभा असतो तेव्हा त्याच्या हळव्या मनाचे दर्शन होते ...
-----------------------------------------------------------------------------------------------------------------------------------------
४.रंग
एका प्रसिद्ध चित्रकाराला त्याच्या सुंदर आणि सजीव चित्रांचं गुपित विचारलं असता त्याने खूपच समर्पक उत्तर दिले ,
"माझ्या वडिलांच्या चेहर्याकडे बघितले कि आयुष्यचे सगळे रंग दिसून येतात आणि मग त्याचा प्रवास आठवला कि आपोआप सजीव चित्रनिर्मिती होते ..."
-----------------------------------------------------------------------------------------------------------------------------------------
५.बाबा
अनाथ चित्रा रस्त्यावरून भयभीत होऊन धावत होती ..तिच्यामागे चार पाच टवाळ कार्टी लागली होती ,तेवढ्यात एक म्हतारा त्यांच्यासमोर येऊन काठी घेऊन उभा ठाकला आणि म्हणाला , "असेल हिम्मत तर हात लावून दाखव पोरीला ....जोपर्यंत ह्यो बाप जिवंत आहे तोपर्यंत कोणा बी पोरीची अब्रू जाऊ देणार न्हाय .."-
चित्रा ने त्या म्हातार्याचे पाय धरले आणि त्याला बाबा म्हणून हाक मारली ...
-----------------------------------------------------------------------------------------------------------------------------------------
६ .वय
"चला बाबा ,माझा हाथ धरा,ह्या रस्त्यावर खूपच गर्दी असते आणि वाहनांची रेलचेल सुद्धा असते .."-सोहम आपल्या वडिलांना सांगत होता .
त्याचे वडील हसले आणि म्हणाले," बर का सोहम तू लहान होतास ना तेव्हा मी पण तुला असच घेऊन जायचो हाथ पकडून ....."-सोहम चे वडील .
वडील आणि मुलाचे नातं वयानुसार बदलत ..बापाची चप्पल मुलाच्या पायात यायला लागली कि समजायचं आता चित्र बदलणार आहे ..
-----------------------------------------------------------------------------------------------------------------------------------------
7.वृद्धाश्रम
तिन्ही मुलं आपापसात भांडत होते ..आई बाबाना कोणाकडे ठेवावे हे ठरवत होते ..प्रत्येकाचीच त्यानं जवळ न ठेवण्याची कारणे वेगवेगळी होती शेवटी सर्वानुमते मोठ्या मुलाने आई वडिलांना गाडीत बसवून वृद्धाश्रमात सोडण्यासाठी घेऊन गेला ..खाली उतरताच बाब हसू लागले ...आई ने विचारले "अहो काय झालं ?का हसताय ?आपण घरी नाही वृद्धश्रमात आलोय "-आई
"अग ,काळ बघ कसा आहे ..एका बापाला तीन पोर जड होत नाही तो एकाच घरात त्यानं वाढवू शकतो पण तीन पोरांना एक आई बाप जड होतात ...तीन तीन घर असूनही आई वडिलांसाठी एकही खोली रिकामी नाही ..म्हणून काळाच्या ह्या खेळीबद्दल हसू आलं ..."-बाबा ...
मोठ्या मुलाने खजील होऊन मान खाली घातली ...
-----------------------------------------------------------------------------------------------------------------------------------------
८.बाप
आज डोळ्यात अश्रू मावत नव्हते ..काहि केल्या थांबत नव्हते ...हॉटेलचा पसारा आवरता आवरता सगळ्या कामावर असलेल्या मुलांना पोरकं झाल्यासारखं वाटत होत ,आज त्यांचा पोशिंदा ,त्यांना ताठ मानेन जगता यावं ह्यासाठी आपल्या हॉटेल मध्ये काम देणारा त्यांचा मालक हे जग सोडून कायमचा निघून गेला होता आणि आता ते हॉटेलही दुसऱ्या कोणाच्यातरी मालकीचं होणार होत .आपल्या डोक्यावरच बापच छत्र कायमस्वरूपी गमावल्याचे दुःख पुन्हा एकदा त्या अनाथानी अनुभवल होत...
-----------------------------------------------------------------------------------------------------------------------------------------
९.सत्कार
अभय च्या ऑफिस मध्ये त्याच्या पदोन्नती साठी एक समारंभ आयोजित केला होता ...आणि त्यात त्याला दोन शब्द बोलायचे होते. त्याला स्टेज वर आमंत्रित केलं होत .अभय एका साध्या कपड्यात असणाऱ्या माणसाचा हाथ पकडून त्याला सुद्धा स्टेज वर घेऊन गेला. आणि म्हणाला ,"बाबा ...हेच माझे दोन शब्द .आज मी ज्या जागेवर उभा आहे ते ह्याच व्यक्तीमुळे आणि त्याच्या मेहनतीमुळे ......आजचा हा सत्कार माझ्या बाबा चा आहे, त्यांच्या कष्टाचा आहे .."-
-----------------------------------------------------------------------------------------------------------------------------------------
१0.हिरो
मीनल ने शाळेत चित्रकलेच्या स्पर्धेसाठी एक चित्र काढल होत ..विषय होता आवडता हिरो
"मीनल तू हे काय कोणाचं चित्र काढलंस? हा कोण हिरो आहे ?"-बाई
"बाई हे माझे बाबा आहे ..पूर्ण घरचे ओझे स्वतःच्या खांदयावर घेत ,फाटक्या कपड्यात राब-राबणारे ,सतत न थकत चालत राहणारे माझे बाबा ,माझे हिरो आहेत .."-मीनल म्हणाली तस बाईंच्या डोळ्यात अश्रू दाटून आले ...
-----------------------------------------------------------------------------------------------------------------------------------------
© अनुराधा पुष्कर