आभास

पल्लवी ही आईबाबांची एकुलती एक मुलगी. आईबाबांचा तिच्यावर खूप जीव आणि तिचेही आपल्या आईबाबांवर जिवापाड प्रेम !
पल्लवी अभ्यासात तर हुशार होतीच पण ती धावण्यात ही खूप चपळ .
तिचा हा गुण तिच्या बाबांनी बरोबर ओळखला होता आणि तिला सर्वोतोपरी प्रोत्साहन ही दिले होते,मदत करत होते.
तिला रोज सरावासाठी उठवणे,तिला वेळोवेळी योग्य आहार देणे,तिची शाळा,अभ्यास या सर्व गोष्टींसाठी व्यवस्थित लक्ष ठेवून होते.
पल्लवीची आई ही तिच्या साठी कष्ट घेत होती. पण बाबा आपल्या पिल्लूची जास्त काळजी घेत होते.
पल्लवीला आईबाबांच्या प्रोत्साहनामुळे आपल्यातील धावण्याच्या गुणाला बळ मिळाले होते. ती ही त्यासाठी खूप परिश्रम घेत होती.