गोष्ट प्रेमाची भाग १

तेवढ्यात राकेशच्या आईने आवाज दिला राकेश आणि स्नेहा लवकर या तुम्हाला भेटायला कुणीतरी आलं आहे. (दोघांच बोलन बंद झाल आणि ते बाहेर आले). आणि बघतात तर काय त्यांचा खूप जुना कॉलेजचा मित्र आला होता. मित्राला पाहताच राकेश आणि स्नेहा दोघे खूप आनंदी झाले. राकेश आईला म्हणाला, अग आई हा माझा कॉलेजचा मित्र आहे तू याला ओळखलं नाहीस का हाच तो सिद्धू ज्याच्याबद्दल मी तुला नेहमीच सांगत असतो. त्यावर राकेशची आई सिद्धूला म्हणाली, हो तुझ्याबद्दल खूप ऐकले आहे मी, नेहमीच राकेश तुझ्याबद्दल भरभरून बोलत असतो. नक्की हा सिद्धू कोण आहे हे बघायची मलाही उत्सुकता होती आणि आज तू आलास". सिद्धू राकेश आणि स्नेहाकडे बघून गालातल्या गालात हसू लागला आणि म्हणाला, "आय एम सॉरी, मी लग्नाला येऊ शकलो नाही पण वेळात वेळ काढून मी आज आलो आहे". त्यावर राकेश म्हणाला तू आता कारण देऊ नकोस तो राग तर आमच्या मनात आहेच. स्नेहा म्हणाली सगळ्या गप्पा तुम्ही दरवाजातच मारणार आहात का? असं बोलून त्यांना आत घेऊन आली. स्नेहाने सिद्धूला पाणी दिले आणि विचारले कसा आहेस सिद्धू? आता सांग तू आमच्या लग्नाला का आला नाहीस? तू तर आता काही बोलूच नकोस तुझ्याही लग्नाला आता आम्ही दोघे येणार नाही". त्यावर राकेश म्हणाला त्याच्या लग्नाला तर जायचं नाही आपण पण ते सगळं नंतर बघू सिद्धू पहिले हे सांग तू आम्हाला गिफ्ट काय घेऊन आलास? हे ऐकून राकेशची आई त्याला ओरडली आणि म्हणाली अरे असं कोणी विचारता का? त्यावर राकेश म्हणाला अगं आई हा आमचा हक्काचा मित्र आहे ज्याला आम्ही काहीही बोलू शकतो हा तेव्हापासून आमच्या सोबत आहे जेव्हापासून स्नेहा आणि माझ्या मैत्रीला सुरुवात झाली होती. आज स्नेहा आणि माझं लग्न झालं आणि आम्ही एकत्र आहोत यामध्ये सिद्धूचा खूप मोठा वाटा आहे. हे ऐकून सिद्धू म्हणाला की मला हरभऱ्याच्या झाडावर चढवू नका, आणि काळजी करू नका तुमच्यासाठी गिफ्ट मी घेऊन आलो आहे असं बोलून सिद्धू ने त्याच्या बॅगमधून गिफ्ट काढून स्नेहाच्या हातामध्ये दिले आणि म्हणाला उघडून बघ तुमच्यासाठी सरप्राईज आहे. स्नेहा आणि राकेश दोघे एक्साईटेड होऊन ते गिफ्ट खोलू लागले. आईचे यांच्या बोलण्याकडे लक्ष होतं आई देखील ते गिफ्ट काय आहे ते बघू लागली. गिफ्ट खोलून बघतात तर काय त्यामध्ये राकेश आणि स्नेहाचे खूप जुने जुने पाच वर्षा-पासूनचे फोटो होते. हे सगळे फोटोज बघून राकेश आणि स्नेहाच्या चेहऱ्यावरचा आनंद गगनात मावेनाचा झाला होता. आई देखील त्यांचे हे सगळे जुने फोटो बघून खूप खुश झाली. सिद्धू ने विचारले कसा आहे गिफ्ट आवडलं का तुम्हाला?? स्नेहा म्हणाली प्रश्नच नाही खूप सुंदर गिफ्ट आहे आमच्या सगळ्या जुन्या आठवणी ताज्या झाल्या. आई म्हणााली, आता बोलणं राहू द्या तुम्ही पहिले हात पाय धुऊन जेवून घ्या आणि निवांत गप्पा मारत बसा. सगळेजण हातपाय धुवून जेवायला निघून गेले.

लेखिका-दामिनी नलावडे 

जिल्हा- पुणे