किशोर :- ये अज्या तू मेल्यावर लेका तुले कुणी काय कुत्र बी इचरणार नाई बघ. जिवंत हाये तोवर अस काई तरी केल पायजे आपुन का मेल्यावर बी आपलंच नाव असलं पायजे लोकायच्या तोंडात.
अजय :-अरे किश्या... हरामखोरा बोलूनत असा रायला तू.. का जस काई अर्जुनावाणी तिरच मारून लायला आता मछिंच्या डोयात. आला मोठा मले शानपण शिकवाले. मोठा म्हन्ते "आपल नाव बी झालं पाहिजे " अबे लेका चार पयक कमव आन तुया मायबापाले चांगलचूगल खाऊ घाल. त्यायच्यासाठी साजरे कपडे ने.. त्वाल्या बुड्याले (आजोबाला ) डोयाच्या इस्पीतळात नेऊन त्याच्या मोतीबिंदूच आपरेशन कर. त्वाल्या बुडीले (आजी ) साजर मोराच डिजाईन असलेलं लुगडं (नऊवारी ) घे. एवढं जरी त्या ईमानेईतबारी केल ना लेका.. त त्वाले घरचे डोक्यावर घेऊन नाचणं तुले. आला मोठा जगामदी नाव कमावाले. पैले मायबाप, आजी आज्याच नाव मोठं करून दाखव.
उलीसक गाण काय म्हणता यालागलं ह्या दीड शायन्याले तर स्वतःले मोठा लता मंगेशकर समजून रायला का का बे तू..
थे मराठी गाणं नाही काबे..( मोबाईल मध्ये गाणं लावतो दोघेही मंत्रमुग्ध होऊन ऐकत असतात )
दरिदरितून मावळ देवा, देऊळ सोडून धाव
कडी कपारी अमृत प्याले
आता हे परी सारे सरले,उरले मागे नाव....
ओढून नेली जैसी सीता
कुणी ना उरला वाली आता, धरणी दे ग ठाव....
दरिदरितून मावळ देवा, देऊळ सोडून धाव"
(किशोर मोबाईलवर गाणसर्च करून लावतो )
माझे सोनियाचे मणी
सुखे ओवीत ओवीत
त्याची ओढतो स्मरणी
दूर रानीची पाखरे
ओल्या अंगणी नाचता
होती माझीच नातरे
मन माणसाची तळी
माझे पैलातले हंस
डोल घेती त्याच्या जळी
जुन्या विझवून चुली
आश्वासती येत्या जन्मी
होऊ तुमच्याच मुली
होती त्याचीच आसवे
दूर असाल तिथे हो
नांदतो मी तुम्हांसवें.......
वऱ्हाडी भाषेत लिहिण्याचा पहिलाच प्रयत्न आहे. चुकल्यास क्षमा असावी.
या लेखातून लताताईना भावपुर्ण श्रद्धांजली अर्पण करते.
प्रत्येक व्यक्तीची एक खास गोष्ट, गुण, कला असते ज्यामुळे आपण त्याला सदैव स्मरणात ठेवतो. एखाद्याच दिसणं त्याची ओळख असते, एखाद्याचा शांत, मनमिळाऊ स्वभाव त्याची ओळख असते, एखाद्याचा अभिनय तर एखाद्याची विनोद्बुद्धी त्याची ओळख असते.
लताताईनी गायलेलं गाणं "मेरी आवाज ही मेरी पहचान है!" हे शाश्वत सत्य होत आणि आहे.
एखाद गाणं ऐकताना.. त्याचे गायक कोण हे नाव न वाचताही आपसूक तोंडातून निघत "हा लताताईचाच आवाज आहे "
कारण खरच त्यांचा सुरेल आवाजच त्याची ओळख आहे आणि ती नेहमीसाठी राहील. आज त्या देहरूपी आपल्यात नसल्या तरी.. त्यांचा आवाज सदैव आपण ऐकत राहू.
????भावपूर्ण श्रद्धांजली लताताई ????
©जयश्री कन्हेरे -सातपुते
फोटो साभार गुगल ?? नावासहित पोस्ट शेअर करायला हरकत नाही.