माहित नसलेले बाबा #fathers_day #अलक
बाबांना आपल्या बाळाची काळजी
बाळंतपणाला कविता माहेरी आलेली . तिचे बाबा ऑफिस ला गेलेले .एकुलत्या एका मुलीचे बाळंतपण व्यवस्थित व्हावे असेच त्यांना वाटत होते .. काम करता करता घरून फोन आला आणि कविताच्या आई ने सांगितले " अहो , तिला कळा सुरु झाल्यात मी दवाखान्यात नेते ..
बाबा " हो चालेल मी पोहचतोच तिकडे डायरेक्ट ”
कविताने सुयश ला मेसेज ने सांगितले "दवाखान्यात निघालेय .." इकडून सुयश ऑफिस मधून हातातले काम टाकून धावतच निघाला आणि तिकडून बाबा .. दोघे ऑफिस मधून पोहचे पर्यंत इकडे डिलिव्हरी झाली पण आणि नर्स ने बेबी ला सुयश च्या हातात दिले .. इकडे सुयश च्या डोळ्यात आनंदाने पाणी आले आणि तिकडे बाबांनी कविताच्या डोक्यावर हात ठेवला.. त्यांच्या डोळ्याच्या कडा ओलावल्या होत्या.
------------------------------------------------------------------------------------------------------
मुलाची इच्छापूर्ती
अनय "बाबा मला स्पाईक शूज हवेत .. माझी उद्या फुटबॉल मॅच आहे "
बाबा " हो ठीक आहे मी बघतो "
अनय " बाबा , प्लिज विसरू नका .. मागच्या वर्षी मी गोल करू शकलो नाही शूज नव्हते म्हणून "
घरी येताना बाबांच्या हातात शूज चा बॉक्स होता पण चालताना लंगडत होते .. त्यांच्या चपलेचा अंगठा तुटला होता.
------------------------------------------------------------------------------------------------------
बाबांची परी
"अहो, पुन्हा नवीन फ्रॉक का आणलात तिला? .. मागच्या महिन्यात चार फ्रॉक आणले होते . अजून खराब नाही झालेत ते "
नवरा " असू दे ग, माझी परी आहे ती .. पगार झाल्यावर एखादा फ्रॉक आणला तर तुला काय प्रॉब्लेम आहे "
--------------------------------------------------------------------------------------------------
मुलीची ट्रिप
सुहानी " बाबा , मी ट्रिप ला जाऊ का ?"
बाबा " कोण कोण आहे ?"
सुहानी " नेहा , उमा , पूजा , राणी ,"
बाबा " मी पण येतो बरोबर "
बाबा " नको ना बाबा .. तुम्ही नेहमी असे करता
------------------------------------------------------------------------------------------------------
फ्रेंडली डॅड
राज " डॅड .. आय एम इन लव्ह "
डॅड " ओह दयाटस ग्रेट न्यूज .. कॉल हर फॉर डिनर विथ हर फॅमिली "
राज " थँक्स डॅड "
डॅड " ट्रीट हर लाईक प्रिन्सेस देन यु विल बी हर किंग "
राज " येस डॅड , आय विल "
------------------------------------------------------------------------------------------------------
नवीन लग्न झालेल्या मुलाला समजून घेणारे बाबा
मुलगा “पप्पा ,काय ओ तुम्ही किती जुना शर्ट घातला आहात ? आपण पार्टी ला जातोय ना "
पप्पा " अरे ! तुम्ही दोघे जावा .. मी नाही येत .. माझ्या आवडीचा TV प्रोग्रॅम आहे.”
मुलगा " चला , ना पप्पा "
सुनबाई " चला ना पप्पा .. मागच्या वेळेला पण तुम्ही आले नाहीत बाहेर जेवायला "
पप्पा " अरे , मी आलो असतो पण TV वरचा प्रोगॅम जाईल ना .. जा तुम्ही दोघे .. पाहिजे तर मला येताना आईसक्रिम घेऊन या "
------------------------------------------------------------------------------------------------------
सुनेला मुलगी मानणारे बाबा
सुनीता ऑफिस मधून घरी आली . हातपाय धुतले आणि किचन मध्ये गेली तर किचन एकदम छान आवरलेले होते ..
सासरे " सुनीता ,बाहेर ये ग .. चहा तयार आहे "
सुनीता " ओह .. बाबा ... थँक यु सो मच "
सासरे " असू दे ग .. किती करतेस तू माझ्यासाठी”
------------------------------------------------------------------------------------------------------
हिरो बाबा
शीना रडतच " मी नाही जाणार स्कूल मध्ये .. मला सगळे हसतील .. तुम्ही माझे केस का कापले .. कापले तर कापले टकलू केले माझे "
शीना ची कॅन्सर ट्रीटमेंट चालू असल्यामुळे तिचे केस कापले होते
बाबा बाहेर जाऊन झिरो मशीन घेऊन आले .. आणि तिच्या समोर आरशात बघून स्वतः टकलू झाले .
बाबा " तू सांग सगळ्यांना मी आणि माझ्या बाबांनी दोघांनी आमचे केस डोनेट केलेत .. सगळे टाळ्या वाजवतील तुझ्या साठी
------------------------------------------------------------------------------------------------------
बाबा - दी सायकल टीचर
मुलगी “ बाबा… सोडू नका सायकल सोडू नका .. मी पडेल .. बाबा ... बाबा... आ.. आ... मला भीती वाटते "असे म्हणत ती सायकल चालवत होती ..ओरडतच बिल्डिंग भोवती एक मोठा राउंड मारला तिने आणि समोर बघितले तर बाबा धापा टाकत एका ठिकाणी उभा होता "
------------------------------------------------------------------------------------------------------
मोटिव्हेट करणारे बाबा
"अहो , केतन चे मार्कशीट आलेय .. एका विषयात नापास झालाय .. घाबरून बसलाय रूम मधे "
बाबा "केतू , काय रे .. चल बाहेर जाऊ .. आज हॉटेल मध्ये चायनीज खायला जाऊ .. ठीक आहे रे .. पुढच्या वेळी चांगले मार्क्स पाहिजेत पण .. कळले का ?"
केतन " सॉरी बाबा .. मी पुढल्या वेळी जास्त अभ्यास करेन "
बाबा " गुड , चल लवकर तयार हो .. नाहीतर उशीर होईल आपल्याला "
------------------------------------------------------------------------------------------------------