अनैतिक भाग तीन

मधुलीला भेटण्याच्या निमित्ताने अमित तिच्या ऑफिसमध्ये जायचा. तिला डॉक्टर कडे नेताना तिच्याच ऑफिसमधली तिची मैत्रिणीही त्यांच्या सोबत असायची. मैत्रिणीचं कुटुंब आणि नवरा परगावी असल्यानं, मधुली तिला खूप मदत करायची, तिच्यासाठी भाड्याची रूम शोधणं, तिच्या अडीनडीला मदत करणं, अशा अनेक गोष्टी दोघी मैत्रिणींमध्ये सुरू होत्या. पण जसजसे मधुलीचे दिवस भरत आले, तसतशी तिची मैत्रीण मधुलीच्या संसारात हळूहळू घुसू लागली. मधुलीला वाटायचं की अमित केवळ मदत म्हणून मैत्रिणीला काय हवं नको ते बघतो आहे. पण त्या दोघांचं नातं त्या पुढे गेलं होतं. मधुली प्रसव वेदनेने तडफडत होती आणि अमित मुधुलीच्या मैत्रिणी सोबत रात्रीचा आस्वाद घेत होता.